Search
iniya-naal

இந்தநாள் நல்லநாள்

குறுக்கே போனது பூனை
எதிரே வந்தால் விதவை
புறப்பட்டது ராகுகாலம்
எமகண்டம் வருவதற்குள்
சீக்கிரம் போய்சேரவேண்டும்
கீழ்நோக்கு நாள்
போகின்ற காரியம்
இன்று உருபட்டமாதிரிதான்

மாலை திரும்பிவந்தார்
சாலையில் அந்த பூனை
விபத்தில் நசுங்கிக் கிடந்தது
விதவை அவள் வீட்டினெதிரே
அழுதுகொண்டிருந்தாள்
திருடப்பட்ட தன் சேமிப்பினையெண்ணி

யார் ராசிகெட்டவர்!
யார் தரித்திரம் பிடித்தவர்?

– சே.ராஜப்ரியன்