Search
per

பீர்க்கங்காய் பொரியல்

வணக்கம் நண்பர்களே,

per

என்னதான் புதுப்புது காய்கறிகள் வந்தாலும், நம்ம நாட்டு காய்கறிகளுக்கு இருக்கும் மவுசும், அதனுடைய சுவையும் என்றைக்கும் மறக்காதுங்க. அதுவும், நம்ம பீர்க்கங்காய் பொரியல், செம்ம சுவையா இருக்குமே! கூடவே நம்ம நோய் எதிர்ப்த்பு திறனை அதிகரிக்குது; ரத்தத்தில் இருக்கும் சக்கரை அளவைக் குறைக்குது; அதனால சக்கரை நோயாளிங்க சாப்பிடலாம். கொலஸ்ட்ரால் கம்மியா இருக்குது. விட்டமின்- சி, நார்சத்து, இப்படி பலது இருக்குதுங்க. இவ்ளோ அருமையான காய்கறிய ஏன் விட்டு வைக்கனும்!?

தேவையான பொருட்கள்:

IMG_20181018_110241

  1. பீர்கங்காய் – 1 (பெரியது)
  2. பெரிய வெங்காயம் (பொடியாக நறுக்கவும்) – 1
  3. வரமிளகாய் -3
  4. சாம்பார் தூள் -1 கரண்டி
  5. மஞ்சள்தூள் – 1 ஸ்பூன்
  6. தேங்காய் – 1 மூடி (துறுவியது)
  7. கறிவேப்பிலை – கைப்பிடி
  8. உப்பு – தேவைக்கு
  9. எண்ணெய் – 1 கரண்டி

செய்முறை:

Step 1:

IMG_20181018_084126 IMG_20181018_084156

பாத்திரத்தில் எண்ணெய் ஊற்றி, கடுகு போட்டுப் பொரிந்ததும், நறுக்கிய வெங்காயம், மிளகாய், மஞ்சள்தூள், கறிவேப்பிலை போட்டு வதக்குங்க.

 Step 2:

IMG_20181018_084246

வதங்கியதும், வெட்டி வச்சிருக்கும் பீர்க்கங்காயை போட்டு, ஒரு ஸ்பூன் சாம்பார் பொடி,  தேவையான அளவு உப்பு போட்டு வதக்குங்க.

Step 3:

IMG_20181018_085303

தண்ணீர் அதிகமா ஊத்தாம, சும்மா 1/2 கப் மட்டும் விட்டு வதக்குங்க. நல்லா வதங்கியதும், துருவிய தேங்காயைப் போட்டு, ஒரு 5 செகன்ட் பிரட்டி விட்டு, அடுப்பில் இருந்து எடுத்திருங்க.

IMG_20181018_110101

அவ்வளவுதான். சுவையான மிகவும் சத்தான பீர்க்கங்காய் பொரியல் தயார். தயிர்சாதத்துக்கு அருமையான காம்பினேஷன். சாப்பிட்டுப் பார்த்திட்டுச் சொல்லுங்க.

– வசந்தி ராஜசேகரன்