இது தமிழ் ⚡ AMP

பறவையின் ஒலிகேட்டு

By Dinesh R | Apr 27, 2010

என்னை மறந்து
உயரத்தில் பறந்துக் கொண்டிருக்கிறேன்
எப்படிப் போனேன் தெரியவில்லை
பூமியின்மீது பார்வை படர்ந்திருக்கிறது

எல்லாமே எனக்கு கீழேதான்
நானும் வானத்தோடு சேர்த்து அதிலிருப்பதையும் தவிர
இவ்வளவு சிறியதா இந்தபூமி?
ஏமாந்திருக்கிறேன்.
யாரோ சொல்லிக் கொடுத்ததைக்கேட்டு

விளம்பரம்
VMTalks In-article Ad Slot

சட்டென தெளிகிறேன்
எந்த பறவையின் பார்வையிலிருக்கிறேனோ!!
அதன் இறக்கையின் ஒலிகேட்டு
விழித்துப் பார்க்கிறேன்
வழக்கம் போல கனவுதான்..
விழுந்துவிடவில்லை.

– சே.ராஜப்ரியன்