சசி எழுதி இயக்கியுள்ள ‘நூறு கோடி வானவில்’ திரைப்படத்தில் ஹரிஷ் கல்யாணும், சித்தி இத்னானியும் முன்னணி கதாபாத்திரங்களில் நடித்துள்ளனர். மாதவ் மீடியா சார்பில் பாலாஜி கபா மற்றும் அருண் அருணாசலம் புரொடக்ஷன் சார்பில் அருண் அருணாசலம் தயாரித்துள்ள இப்படம், காதல், உறவுகள் மற்றும் உணர்வுப்பூர்வமான முடிவுகளை மையமாகக் கொண்டுள்ளது. இப்படம் நவம்பர் 6, 2026 அன்று தமிழ் ZEE5 தளத்தில் நேரடியாக வெளியாகிறது. கட்டணம் செலுத்திப் பார்க்கும் (Pay-per-view) முறையில் இப்படத்தைக் காணலாம்.
‘சொல்லாமலே’ திரைப்படத்தின் மூலம் இயக்குநராக அறிமுகமானது முதல், அவரது சமீபத்திய வெற்றிப் படமான ‘நூறு சாமி’ வரை, மேலும் ‘பூ’, ‘பிச்சைக்காரன்’, ‘சிவப்பு மஞ்சள் பச்சை’ போன்ற பாராட்டுப் பெற்ற திரைப்படங்கள் மூலம் சசி தமிழ் சினிமாவில் தனக்கென ஒரு தனித்துவமான இடத்தைப் பிடித்துள்ளார். மனித உணர்வுகள், உறவுகள் மற்றும் அன்றாட வாழ்க்கையின் சிக்கல்களை ஆழமாகப் பேசும் கதைகளை உருவாக்குவதில் அவர் தனித்துவம் பெற்றவர்.
‘நூறு கோடி வானவில்’ திரைப்படத்தின் மூலம், காதலின் சிக்கல்கள், உறவுகளில் மனிதர்கள் கொண்டிருக்கும் எதிர்பார்ப்புகள் மற்றும் அவர்களின் எதிர்காலத்தைத் தீர்மானிக்கக்கூடிய கடினமான முடிவுகள் ஆகியவற்றை ஆராயும் காதல் கதையுடன் இயக்குநர் சசி மீண்டும் வந்துள்ளார்.
‘நூறு கோடி வானவில்’ திரைப்படத்தின் மையக்கருவாக ஒரு காதல் உறவு அமைகிறது. இதில் வரும் முக்கியக் கதாபாத்திரங்கள் தங்களுக்கு இடையிலான மாறுபட்ட எதிர்பார்ப்புகள், தனிப்பட்ட மனக்குழப்பங்கள் மற்றும் தங்களைச் சுற்றியுள்ளவர்களின் தாக்கம் ஆகியவற்றை எதிர்கொள்கின்றனர். காதலையும் குடும்ப உணர்வுகளையும் இணைத்துச் சொல்லும் இப்படம், வாழ்க்கையின் சூழ்நிலைகளும் மனிதர்கள் எடுக்கும் முடிவுகளும் காதலை எவ்வாறு சோதிக்கின்றன என்பதை ஆராய்கிறது. காதல் மற்றும் உறவுகளுடன் தொடர்புடைய மென்மையான உணர்வுகள், மகிழ்ச்சி மற்றும் நிச்சயமற்றத்தன்மை ஆகியவற்றை இந்தப் படம் அழகாகப் பதிவு செய்கிறது.
ZEE5 நிறுவனத்தின் தமிழ், தெலுங்கு மற்றும் மலையாளப் பிரிவுகளுக்கான வணிகத் தலைவர் லாயிட் சி. சேவியர், “சில கதைகள் நம்முடன் நீண்ட காலம் தங்கிவிடுகின்றன. ஏனெனில், அவை நாம் அனைவரும் அனுபவித்த உணர்வுகளைப் பிரதிபலிக்கின்றன. ‘நூறு கோடி வானவில்’ அத்தகைய ஒரு திரைப்படம். பொதுவாகக் காதல் திரைப்படங்கள் எப்போதும் ரசிகர்களிடம் ஆழமான வரவேற்பைப் பெற்றுள்ளன. ‘நூறு கோடி வானவில்’ திரைப்படத்தின் மூலம், உறவுகளின் உணர்வுப்பூர்வமான யதார்த்தங்களை ஆராயும் ஒரு மனதைத் தொடும் காதல் கதையை தமிழ் ஜீ5 வழியாக ரசிகர்களிடம் கொண்டு வருகிறோம்” என்றார்.
இயக்குநர் சசி, “‘நூறு கோடி வானவில்’ என்பது காதலைப் பற்றியும், மனிதர்கள் வளர வளர உறவுகள் எவ்வாறு மாறுகின்றன, அவர்களின் எதிர்பார்ப்புகள் எவ்வாறு மாறுகின்றன, வாழ்க்கை அவர்களுக்கு எத்தகைய கடினமான முடிவுகளை முன்வைக்கிறது என்பதையும் பற்றிய கதை.
தங்களுடைய உணர்வுகளைக் கையாள்வதுடன், தங்களைச் சுற்றியுள்ள யதார்த்தங்களையும் எதிர்கொள்ள வேண்டிய இரு மனிதர்களின் உணர்வுப்பூர்வமான பயணத்தை ஆராய விரும்பினேன். காதல் என்பது எப்போதும் நேரான பாதையில் செல்லும் பயணமாக இருப்பதில்லை. நாம் எடுக்கும் முடிவுகள், நாம் அக்கறை கொண்டிருக்கும் மனிதர்களின் வாழ்க்கையில் நீண்டகாலத் தாக்கத்தை ஏற்படுத்தக்கூடும்.
ரசிகர்கள் இந்தக் கதாபாத்திரங்களுடனும் அவர்களின் அனுபவங்களுடனும் தங்களை இணைத்துப் பார்த்து, தங்களுடைய வாழ்க்கையின் சில அம்சங்களை இந்தத் திரைப்படத்தில் கண்டறிவார்கள் என்று நம்புகிறேன்” என்றார்.
ஹரிஷ் கல்யாண், “‘நூறு கோடி வானவில்’ திரைப்படத்தில் வினோ என்ற கதாபாத்திரத்தில் நடித்தது எனக்கு அர்த்தமுள்ள அனுபவமாக இருந்தது. ஏனெனில், அந்தக் கதாபாத்திரத்தின் பயணம் காதல் மற்றும் உறவுகளுடன் தொடர்புடைய பல்வேறு உணர்வுகளை ஆராய்கிறது.
நாம் வளர வளர, காதலைப் பற்றிய நமது புரிதலும் மாறுகிறது. அதேபோல், நமது முன்னுரிமைகளும் எதிர்பார்ப்புகளும் மாறுகின்றன. இந்தக் கதையைச் சிறப்பானதாக மாற்றுவது என்னவென்றால், இது காதல் என்ற கருத்தை மட்டும் மையமாகக் கொள்ளாமல், உணர்வுகளும் சூழ்நிலைகளும் சிக்கலாகும்போது மனிதர்கள் எதிர்கொள்ளும் கடினமான முடிவுகளையும் ஆராய்கிறது” என்றார்.
சித்தி இத்னானி, “காதல் அழகானதாக இருக்கலாம். ஆனால், அது நிச்சயமற்ற தன்மை, மாறுபட்ட எதிர்பார்ப்புகள் மற்றும் எப்போதும் எளிதாக எடுக்க முடியாத முடிவுகளையும் கொண்டுவருகிறது.
இந்தத் திரைப்படத்தில் என்னைக் கவர்ந்தது, உணர்வுகளின் நுட்பமான வேறுபாடுகளை வெளிப்படுத்தவும், தனிப்பட்ட முடிவுகளும் நம்மைச் சுற்றியுள்ள மனிதர்களும் நமது உறவுகளை எவ்வாறு பாதிக்கின்றனர் என்பதை ஆராயவும் கிடைத்த வாய்ப்புதான்” என்றார்.