கதையில் இருக்கும் கதாபாத்திரங்களும், அதன் வார்ப்புமே ஒரு ரொமான்டிக் படத்தின் தரத்தைத் தீர்மானிக்கிறது. கதாபாத்திரங்களின் வலிமையை உணர்த்தும் திரைப்படங்களைத் தமிழ் சினிமா நிறையக் கண்டுள்ளது. இத்தகைய காதல் திரைப்படங்களை நிலையாக கொடுத்துவரும் தமிழ் சினிமாவின் வரிசையில் , நம்பிக்கையோடு சேரத் தயாராகயிருக்கிறது “ரீல்”.
“காதல் திரைப்படங்கள் ரசிகர்களுக்குப் புதியவை இல்லையென்றாலும், அதன் வடிவமைப்பே அவற்றைத் தனித்துக் காட்டுகிறது. இப்படத்தின் தலைப்பான “ரீல்” என்பது எதற்காக என்று கேள்விக்குப் படத்தின் கதையே பதில் கூறும். நடிகர்கள் உதய்ராஜும் அவந்திகாவும் கதாபாத்திரத்தின் வலிமையை உணர்ந்து நடித்து இருக்கிறார்கள். KPY புகழ் சரத் இப்படத்தில் முழு நேர நகைச்சுவை நடிகராக மட்டுமில்லாமல், ஒரு குணச்சித்திர நடிகராகவும் தன் திறமையை வெளிபடுத்தியுள்ளார்.
படத்தின் இறுதியில் வரும் திருப்பங்களும், கூறப்பட்டிருக்கும் கருத்தும் மக்களை வெகுவாகக் கவரும். கோவை, மெலுகொட் கோத்தகிரி மற்றும் மைசூர் போன்ற பகுதிகளில் படப்பிடிப்பு மிகவும் வேகமாக நடைபெறுகிறது” என்றார் படத்தின் இயக்குநர் முனுசாமி.
“ரீல்” படத்தின் கதையை T.N.சூரஜ் அவர்கள் எழுத, முனுசாமி இயக்குகிறார். ரொமான்டிக் திரைப்படங்களில், இசையின் பங்களிப்பு சற்று அதிகமாக இருக்கும். இப்படத்திற்கு சந்தோஷ் சந்திரன் பாடல்களையும், அச்சு ராஜாமணி பின்னணி இசையும் கவனிக்கின்றனர். சுனல் பிரேம் ஒளிப்பதிவு செய்ய, சாய் சுரேஷ் படத்தொகுப்பு செய்கிறார். ஸ்ரீ முருகா மூவி மேக்கர் தயாரிக்கும் இப்படத்தை விரைவில் வெளிக்கொண்டுவர இருக்கின்றனர்.