நான்கு வருட நீண்ட காத்திருப்புக்குப் பிறகு, அன்பிற்குரிய சூப்பர் ஹீரோவை மீண்டும் அதிரடி ஆக்ஷனில் காட்டும் ‘ஸ்பைடர் மேன்: பிராண்ட் நியூ டே’ திரைப்படத்தின் இரண்டாவது ட்ரெய்லர் வெளியாகியுள்ளது. ஆம்ஸ்டர்டாமில் நடைபெற்ற ஒரு சிறப்பு விழாவில் மிகுந்த ஆரவாரத்திற்கு மத்தியில் வெளியிடப்பட்ட இந்த ட்ரெய்லர், பீட்டர் பார்க்கரின் பயணத்தின் அடுத்த சுவாரசியமான அத்தியாயத்தை ரசிகர்களுக்குக் காட்டியது.
ட்ரெய்லரில், ‘ஸ்பைடர் மேன்: நோ வே ஹோம்’ சம்பவங்களின் விளைவுகளுக்குப் பிறகு, பீட்டர் பார்க்கர் தனது வாழ்க்கையை எதிர்கொள்ளும் அதே வேளையில், புதிய அச்சுறுத்தல்களுக்கு எதிராக மீண்டும் அந்தப் புகழ்பெற்ற ஸ்பைடர் மேன் உடையை அணிந்து களமிறங்குவதைக் காட்டுகிறது. ஒட்டுமொத்த உலகமும் பீட்டர் பார்க்கரின் அடையாளத்தை மறந்துவிட்ட நிலையில், இந்த சூப்பர் ஹீரோ தனது புதிய யதார்த்தத்தை ஏற்றுக் கொண்டு, தன் பகுதியைத் தொடர்ந்து எப்படிக் காப்பாற்றப் பழகுகிறார் என்பதை இந்த ட்ரெய்லரில் காண முடிகிறது. மேலும், ஜெண்டயா ஏற்ற பாத்திரம் எம்.ஜே உடனான அவரது சிக்கலான காதலின் ஒரு சிறு பார்வையும் இந்த ட்ரெய்லரில் இடம் பெற்றுள்ளது.