‘பிராண்ட் நியூ டே’ திரைப்படம், இதற்கு முன் பீட்டர் பார்க்கர் எதிர்கொள்ளாத அளவிற்கான பிரம்மாண்டமான ஆக்ஷன் காட்சிகள், மிரட்டலான புதிய வில்லன்கள் மற்றும் சவால்களை அள்ளி வழங்கவுள்ளது. இந்த ஆண்டின் மிகவும் ஆவலுடன் எதிர்பார்க்கப்படும் திரைப்படங்களில் ஒன்றான ‘ஸ்பைடர் மேன்: பிராண்ட் நியூ டே’, உலகளவில் ஒரு மிகப்பெரிய ரசிகர் பட்டாளத்தைக் கொண்டுள்ளது. அதிலும் குறிப்பாக, இந்தத் திரைப்படத் தொடருக்கு மிக வலுவான சந்தையாக இந்தியா விளங்குகிறது. இந்த நிலையில், சோனி பிக்சர்ஸ் எண்டர்டெயின்மென்ட் நிறுவனம் ‘ஸ்பைடர் மேன்: பிராண்ட் நியூ டே’ திரைப்படத்தின் வெளியீட்டுத் தேதியை ஒரு நாள் முன்னதாக மாற்றியுள்ளதாக அறிவித்தபோது, ரசிகர்களின் உற்சாகம் புதிய உச்சத்தைத் தொட்டதுடன் பெரும் வரவேற்பையும் பெற்றுள்ளது.
பீட்டர் பார்க்கருக்கு இது ஒரு புத்தம் புதிய நாள் (BRAND NEW DAY). தன்னை யாருக்கும் நினைவில்லாத ஒரு உலகில், முழு நேரமாக ஸ்பைடர் மேனாகக் குற்றங்களுக்கு எதிராக அவர் போராடுகிறார். அதே நேரத்தில், தனது பழைய நண்பர்கள் தன்னைத் தவிர்த்துவிட்டு தங்கள் வாழ்க்கையில் முன்னேறிச் செல்வதைப் பார்க்கும் மன அழுத்தம், பீட்டருக்குள் அவரால் கட்டுப்படுத்த முடியாத ஒரு மாற்றத்தைத் தூண்டுகிறது. ஆனால், அந்த மாற்றம்தான் அவரது நகரத்திற்கும், அவர் நேசிப்பவர்களுக்கும் வரவிருக்கும் ஒரு பேரதிர்ச்சியான புதிய அச்சுறுத்தலைத் தடுப்பதற்கான ஒரே வழியாகவும் இருக்கக்கூடும் — அது யாராலும் பார்க்கவே முடியாத ஒரு சக்திவாய்ந்த வில்லன்! உலகம் பீட்டர் பார்க்கரை மறந்திருக்கலாம், ஆனால் அவர் அவர்களை மறக்கவில்லை.
டெஸ்டின் டேனியல் க்ரெட்டன் இயக்கியுள்ள ‘ஸ்பைடர் மேன்: பிராண்ட் நியூ டே’ திரைப்படத்தில், பீட்டர் பார்க்கர்/ஸ்பைடர் மேனாக டாம் ஹாலண்ட் நடித்துள்ளார். இவருடன் ஜெண்டயா, ஜேக்கப் பட்டலான், ஜான் பெர்ன்தால் மற்றும் சாடி சின்க் ஆகியோரும் நடித்துள்ளனர்.
சோனி பிக்சர்ஸ் என்டர்டெயின்மென்ட் இந்தியா நிறுவனம், ‘ஸ்பைடர் மேன்: பிராண்ட் நியூ டே’ திரைப்படத்தை ஆங்கிலம், இந்தி, தமிழ், தெலுங்கு, மலையாளம் மற்றும் கன்னடம் ஆகிய மொழிகளில் ஜூலை 30 அன்று திரையரங்குகளில் வெளியிடுகிறது. இத்திரைப்படம் 2D, 4DX 3D, 3D SCREEN X, DOLBY CINEMA 3D, ICE 3D, DOLBY CINEMA 2D, MX4D 3D, 3D, P[XL] மற்றும் BIGPIX ஆகிய வடிவங்களில் வெளியாகவுள்ளது.