ஜெயம் ரவி, பிரியங்கா மோகன் நடிப்பில் வெளியான் ‘பிரதர்’ திரைப்படம் ஜீ5 இல் ஸ்ட்ரீமிங் செய்யப்படுகிறது. கமர்ஷியல் காமெடிப் படங்களுக்குப் பெயர் பெற்ற இயக்குநர் ராஜேஷ் இயக்கியுள்ள ‘பிரதர்’ திரைப்படத்தில், ஜெயம் ரவி, பிரியங்கா மோகன், பூமிகா, நட்டி நடராஜன், விடிவி கணேஷ், சரண்யா பொன்வண்ணன் உள்ளிட்ட பலர் நடித்துள்ளனர். அக்கா, தம்பி பாசத்தை மையமாக வைத்து, குடும்ப பொழுதுபோக்கு திரைப்படமாக உருவான இப்படம், தீபாவளியை முன்னிட்டு கடந்த அக்டோபர் 31ஆம் தேதி திரையரங்குகளில் வெளியானது. ரசிகர்களை மிகவும் கவர்ந்த இப்படம் தற்போது ஜீ5 தளத்தில் நவம்பர் 29 முதல் ஸ்ட்ரீமிங் செய்யப்படுகிறது.
இயக்குநர் ராஜேஷ் M, “பிரதர் திரைப்படம் மனதிற்கு மிகவும் நெருக்கமான படைப்பு. திரையரங்குகளில் வெளியானபோது ரசிகர்கள் தந்த வரவேற்பு மிகப்பெரிய மகிழ்ச்சியைத் தந்தது. ஒரு குடும்ப பொழுதுபோக்கு திரைப்படத்தில் ஜெயம் ரவியை இயக்கியது மிக அட்டகாசமான அனுபவம். இப்போது இந்தத் திரைப்படத்தை உலகம் முழுக்கவுள்ள ரசிகர்கள், இந்த ஜீ5 டிஜிட்டல் வெளியீடு மூலம் ரசிக்கவுள்ளார்கள் என்பது மகிழ்ச்சி. அவர்களின் கருத்துக்களை அறிய ஆவலுடன் உள்ளேன்” என்றார்.
நடிகர் ஜெயம் ரவி, “பிரதர் படத்தில் நடித்தது மறக்கமுடியாத அனுபவம். அனைவரும் ரசிக்கும்படி அருமையான கதையில், ஒரு அசத்தலான பொழுதுபோக்கு திரைப்படத்தைத் தந்ததற்கு இயக்குநர் ராஜேஷிற்கு நன்றி. என்னுடன் இப்படத்தில் நடித்த நடிகர்கள் மற்றும் தொழில்நுட்பக் கலைஞர்களுக்கு நன்றி. இப்படம் திரையரங்குகளில் நல்ல வரவேற்பைப் பெற்றது. இப்போது ஜீ5 இல் வீட்டில் இருந்தபடியே அனைவரும் இப்படத்தைக் கண்டு ரசிக்கலாம்” என்றார்.
காதல், பாசம், சென்டிமென்ட் கலந்து வெளியான பிரதர் திரைப்படத்திற்கு ஹாரிஸ் ஜெயராஜ் இசையமைத்திருந்தார்.
