நீண்ட நாட்களாக நீடித்த ஊகங்கள், எதிர்பார்ப்புகள் மற்றும் ரசிகர்களின் தீவிர ஆர்வத்திற்கு முற்றுப்புள்ளி வைக்கும் வகையில், ரன்வீர் சிங் நடிக்கும் ‘துரந்தர் பழிவாங்கல்’ படத்தின் அதிகாரப்பூர்வ போஸ்டரை ஜியோ ஸ்டுடியோஸ் மற்றும் B62 ஸ்டுடியோஸ் இணைந்து வெளியிட்டுள்ளன. நாளை காலை 11.01 மணிக்கு ட்ரெய்லர் வெளியாகும் என்று போஸ்டரில் அறிவிக்கப்பட்டுள்ளது.
இந்தப் படத்தில் ரன்வீர் சிங், ஜஸ்கிரத் சிங் ரங்கி மற்றும் ஹம்ஸா என இரட்டை கதாபாத்திரங்களில் மீண்டும் தோன்றுகிறார். முதல் பாகத்தை விட, இந்தப் பாகத்தில் கதாபாத்திரங்களுக்கிடையேயான மோதல் இன்னும் அதிகரிக்கும் என்று எதிர்பார்க்கப்படுகிறது.
துரந்தர் படத்தின் முதல் பாகம் இந்தியாவில் மட்டுமின்றி வட அமெரிக்கா, கனடா, யுகே மற்றும் ஆஸ்திரேலியா உள்ளிட்ட சர்வதேச சந்தைகளிலும் பாக்ஸ் ஆபீஸ் சாதனைகளைப் புரட்டிப்போட்டது. இப்போது துரந்தர் பழிவாங்கல் படமும் அதே உச்சத்தைத் தாண்டும் என்று வர்த்தக வட்டாரங்கள் நம்பிக்கையுடன் கூறுகின்றன.
ஜியோ ஸ்டுடியோஸ் தயாரிப்பில், B62 ஸ்டுடியோஸ் உருவாக்கத்தில் வெளியாகும் இப்படம் இந்தி, தமிழ், தெலுங்கு, மலையாளம் மற்றும் கன்னடம் என 5 மொழிகளில் திரையரங்குகளில் வெளியாக உள்ளது. ஆதித்ய தார் எழுதி, இயக்கி மற்றும் தயாரித்துள்ள இந்த ஆக்ஷன் த்ரில்லர் படத்தை, ஜோதி தேஷ்பாண்டே மற்றும் லோகேஷ் தார் இணைந்து தயாரிக்கின்றனர்.
குடி பட்வா, உகாதி மற்றும் ரம்ஜான் பண்டிகைகளையொட்டி, மார்ச் 19, 2026 அன்று உலகம் முழுவதும் திரையரங்குகளில் வெளியாகவுள்ள இந்தப் படம் ரசிகர்களைப் பரவசப்படுத்த தயாராக இருக்கிறது
