செவன் ஹில்ஸ் சினி கிரியேஷன்ஸ் நிறுவனத்தின் சார்பில் ஷங்கர் KN மற்றும் சஹானா ஷங்கர் இணைந்து தயாரிக்கும் புதிய திரைப்படமான “பீட்சா பாய்ஸ்”, இன்று எளிமையான மற்றும் கோலாகலமான பூஜையுடன் இனிதே துவங்கியது.
இப்படத்தை இயக்குநர் சேகர் கேஷவ் சிர்ரின் இயக்குகிறார். இவர் இப்படத்திற்கு இசையையும் அமைக்கிறார் என்பது குறிப்பிடத்தக்கது. கதாநாயகனாக சிவம் சங்கர், கதாநாயகியாக நேகா நடிக்கின்றனர்.
பீட்சா ரெஸ்டாரன்டில் பணிபுரியும் ஐந்து இளைஞர்கள், புதிய பீட்சா ஐடியாவை உருவாக்கி அதில் வெற்றி பெறப் போராடுவது தான் இப்படத்தின் மையக்கரு. அவர்கள் சந்திக்கும் சவால்கள், அதனை எதிர்கொண்டு வெற்றி பெறும் பயணம் ஆகியவை காமெடி, சென்டிமென்ட் மற்றும் ஆக்ஷன் அம்சங்களுடன் கூடிய முழுமையான கமர்ஷியல் படமாக உருவாகிறது.
இப்படத்தில் ஜிம்மி கலி, சிவா, காக்கா முட்டை ரமேஷ், அருள், சோப்ராஜ் உள்ளிட்டோர் முக்கிய கதாபாத்திரங்களில் நடிக்கின்றனர். மேலும், சரத் லோகித் அஷ்வா வில்லனாக நடிக்கிறார்.
ஒளிப்பதிவை குரு பிரசாத் மேற்கொள்ள, முதன்மை இணை இயக்குனராக R. L. ஜெகதீசன் பணி புரிய, படத்தொகுப்பைக் கணேஷ் குமார். டி கவனிக்கிறார். கலை இயக்கத்தைக் கணேஷ் மேற்கொள்கிறார். உடைவடிவமைப்பை வினோத் கவனிக்க, புரொடக்ஷன் டிசைனராக சதீஷ் பிரம்மாவர் பணியாற்றுகிறார்.
இப்படத்தின் படப்பிடிப்பு விரைவில் தொடங்கி, பல்வேறு பகுதிகளில் நடைபெறவுள்ளதாகப் படக்குழு தெரிவித்துள்ளது. இளம் தலைமுறையின் கனவுகள், முயற்சி மற்றும் வெற்றியை மையமாகக் கொண்டு உருவாகும் “பீட்சா பாய்ஸ்” படம், ரசிகர்களுக்குப் புதுமையான அனுபவத்தை வழங்கும் என எதிர்பார்க்கப்படுகிறது.
மேலும் இப்படம் குறித்த பிற அப்டேட்கள் விரைவில் அதிகாரப்பூர்வமாக வெளியாகும்.
