Breakfast விமர்சனம்
காதலித்துக் கல்யாணம் செய்து, மூன்று மாதத்திற்குள் வேகமாகப் பிரிகின்றனர் என்பதை உணர்த்தும் விதமாகத் தலைப்பினை வைத்துள்ளார் இயக்குநர் காந்தி கிருஷ்ணா. இவர், செல்லமே, ஆனந்த தாண்டவம் போன்ற படங்களை இயக்கியவர்.
சங்க காலக் காதல், ஆண்டாள் காலக் காதல், 80களின் காதல் ஆகியவற்றைச் சொல்லிவிட்டு, இந்தக் காலக் காதல் கதைக்குள் வருகிறார். ரிஷபும் லக்ஷ்மியும் இணையத்தில் அறிமுகமாகி, வாரயிறுதியில் மலேஷியாவிற்குச் சென்று, காதலாகித் திருமணம் செய்து கொள்கின்றனர். மூன்றாவது மாதத்தில், விவாகரத்துக்கு விண்ணப்பிக்கின்றனர். அவரை கங்கா தேவி என்பவரிடம் கவுன்சிலிங்கிற்கு அனுப்பி வைக்கிறது நீதிமன்றம்.
கங்கா தேவி, சென்சார்க்கு வந்த ஒரு திரைப்படத்தின் கதையைச் சொல்லத் தொடங்குகிறார். பிஸ்கட் கம்பெனி முதலாளி மகளான ஜான்வி, குப்பை அள்ளும் பணிபுரியும் பொறியாளரான சாந்தனுவைக் காதலிக்கிறார். அந்தக் காதல் என்னாகிறது எனச் சொல்லி க...
