காளிதாஸ் 2 விமர்சனம் | Kaalidas 2 review
இயக்குநர் ஸ்ரீ செந்தில், காளிதாஸ் (2019) படத்தை சைக்காலஜிக்கல் த்ரில்லராகக் கொடுத்து சர்ப்ரைஸ் ஹிட் கொடுத்திருந்தார். இப்படத்தை இன்வெஸ்டிகேடிவ் த்ரில்லராக ரசிக்கும்படி கொடுத்துள்ளார்.
அடுக்குமாடி குடியிருப்பு ஒன்றில், மித்ரா எனும் மூன்று வயது சிறுமி காணாமல் போக, அதை விசாரிக்க வருகிறார் காளிதாஸ். காணாமல் போன சிறுமிக்கு என்னாகிறது என்பதையும், அந்தக் குடியிருப்பு தன்னுள் ஒளித்து வைத்திருக்கும் ரகசியங்கள் என்னென்ன என்பதையும் பரபரப்பாகக் கடைசி நொடி வரை தக்கவைத்துள்ளது திரைக்கதை.
மனதில் மிகப் பெரிய வலியுடனும் சினத்துடன் உள்ள ஸ்டீஃபனாக நடித்துள்ளார் அஜய் கார்த்தி. வெறியோடு ஆட்களைக் கொல்லும்பொழுதும், மற்றவர்களை ஊடுருவி அவர் பார்க்கும் பார்வையும், போலீஸ் விசாரணையின் பொழுது அவர் காட்டும் அலட்சியமும் மெளனமும் எரிச்சலை ஏற்படுத்துகின்றன. அவை எல்லாவற்றிற்கும் அவரிடம் சரியானதொரு காரணம் உள்ளன என்ற கிளைக...
