ஜீவி – விஞ்ஞானத்திற்கும் மாயவித்தைகளுக்கும் இடையே!

பார்வையாளர்கள் தங்களைப் படத்தோடு ஒன்ற வைக்கும் கதை சொல்லலையும், சில நேரங்களில் சீட்டின் நுனிக்கு வர வைக்கும் படங்களையும் எதிர்பார்க்கிறார்கள். குறிப்பாக, ‘மைண்ட் கேம்ஸ்’ அடிப்படையிலான த்ரில்லர் படங்களுக்கு எப்போழுதுமே ஒரு விசேஷ எதிர்பார்ப்பு ரசிகர்களிடம் உண்டு. ஜீவி, அத்தகையதொரு படமாக இருக்குமென அப்படத்தின் ட்ரெய்லர் கட்டியம் கூறுகிறது. தற்போது, படத்தை பார்த்த தணிக்கை குழு உறுப்பினர்கள், படத்துக்கு ‘U’ சான்றிதழ் வழங்கியிருக்கிறார்கள்.

இயக்குநர் வி.ஜே.கோபிநாத், “ஒரு அறிமுக இயக்குநரான எனக்கு இது ஒரு மகிழ்ச்சியான தருணம். குறிப்பாக, தங்கள் துறைகளில் புகழ்பெற்ற பிரபலங்களாக இருக்கும் இந்த உறுப்பினர்களிடம் இருந்து பாராட்டுக்களை பெற்றது எனக்கு மிக்க மகிழ்ச்சி.

விஞ்ஞானம் மற்றும் மாயவித்தைகளுக்கு இடையே மனித உணர்வுகள் எப்படி ஏமாற்றப்படுகின்றன என்பதை வலியுறுத்தும் ஒரு த்ரில்லர் படத்தைத் தர முயற்சி செய்திருக்கிறோம். ஒரு சஸ்பென்ஸ் த்ரில்லர் அணுகுமுறையை இந்தப் படத்துக்குக் கொடுத்திருக்கிறோம். இது பார்வையாளர்களுக்கு ஒரு வித்தியாசமான அனுபவத்தைத் தரும் என நம்புகிறேன்” என்றார்.

வெற்றிவேல் சரவணா சினிமாஸ் சார்பில் படத்தைத் தயாரித்துள்ளார் தயாரிப்பாளர் எம்.வெள்ளபாண்டியன். படத்தின் வெளியீட்டு தேதியைப் பற்றிய அதிகாரப்பூர்வ அறிவிப்பை விரைவில் வெளிவரவுள்ளது.

பணிக்குழு:

>> இசை – சுந்தரமூர்த்தி கே.எஸ்.
>> ஒளிப்பதிவு – பிரவீன் குமார்
>> படத்தொகுப்பு – பிரவீன் கே.எல்.
>> கலை – வைரபாலன்
>> லைன் புரொடுயூசர் – ஐ.பி.கார்த்திகேயன்
>> கதை, திரைக்கதை – பாபு
>> இயக்கம் – வி.ஜே.கோபிநாத்