பிக் பாஸ் 3: நாள் 81 – ஃபேமிலி ஆடியன்ஸ்க்குப் பிடித்த சாண்டி
லாஸ்லியாவின் குடும்பத்தை, "நீங்க கிளம்பலாம்" எனச் சொல்லிவிட்டார் பிக் பாஸ். அவர்களும் பிரியாவிடையுடன் கிளம்பிச் சென்றனர்.
கவின் - லாஸ், இருவரும் தனியாக உட்கார்ந்து பேசினார்கள். மன்னிக்க, கவின் பேசவே இல்லை. 'நலந்தானா?' மோட்ல கண்ணாலேயே பேசிக் கொண்டிருந்தார். 'இப்ப என்ன நடந்து போச்சு?' என இப்படி சீக்கு வந்த கோழி மாதிரி முகத்தைத் தூக்கி வைத்துக் கொண்டிருக்கிறார். இத்தனை நாளாகப் பக்கம் பக்கமா பாயின்ட், பாயின்டா பேசினவருக்கு, இப்போ பேசுவதற்குப் பாயின்ட்டே கிடைக்கவில்லை.
கவின் - லாஸ் காதலை விமர்சித்தவர்களை வில்லன் மாதிரி பேசினவர்கள், சேரனைப் படு கேவலமாக பேசினவர்கள் எல்லோருக்கும், லாஸ் குடும்பம் சொன்ன காரணங்களுக்கு என்ன பதில் சொல்வார்களென ஆர்வமாக இருக்கிறேன். அவர்கள் சொன்ன பின்விளைவுகளைக் கேட்டீர்களா? 'காதலே வேணாம்' என யாருமே சொல்லவில்லை. கேமிரா முன்னாடி காதலித்துத் தொலைக்காதீங்க என்று தான் சொன்...