தெலுங்குத் திரைப்படக் கலைஞர்கள் சங்கமான ‘மூவி ஆர்டிஸ்ட் அசோசியேஷன்ஸ்’ (MAA)-ன் பொதுக்குழு கூட்டம் நேற்று நடைபெற்றது. இதில், தலைவர் விஷ்ணு மஞ்சுவின் மதிப்பிற்குரிய வழிகாட்டுதலின் கீழ் MAA கட்டிடத் திட்டம் முடியும் வரை தற்போதைய தலைமை தொடர்ந்து பணியாற்றும் என்று ஒருமனதாகத் தீர்மானிக்கப்பட்டுள்ளது.
சுமார் 400-க்கும் மேற்பட்ட உறுப்பினர்கள் கலந்து கொண்ட இந்தப் பொதுக்குழு கூட்டத்தில், மே மாதம் திட்டமிடப்பட்ட வரவிருக்கும் தேர்தல்கள், ஜூலை மாதம் திட்டமிடப்பட்ட நிதி சேகரிப்பு நிகழ்வு மற்றும் MAA கட்டிடத்தின் தற்போதைய கட்டுமானப் பணி உள்ளிட்ட பல்வேறு விசயங்கள் குறித்து பேசப்பட்டது.
ஆலோசனையின் போது, தலைவர் விஷ்ணு மஞ்சு தலைமையிலான குழுவின் பதவிக்காலத்தை (MAA) கட்டிடம் வெற்றிகரமாக முடிக்கும் வரை நீட்டிக்க முன்மொழியப்பட்டது. இந்த முன்மொழிவு தற்போதைய அனைத்து உறுப்பினர்களிடமிருந்தும் ஒருமித்த ஆதரவைப் பெற்றது, தற்போதைய தலைமையின் மீதான அவர்களின் அசைக்க முடியாத நம்பிக்கையை காட்டுகிறது.
அமோக நம்பிக்கை வாக்கெடுப்புக்கு நன்றி தெரிவித்த திரைப்பட கலைஞர்கள் சங்கத்தின் (MAA) தலைவர் விஷ்ணு மஞ்சு, உறுப்பினர்களுக்கு தனது மனமார்ந்த பாராட்டுகளைத் தெரிவித்ததோடு, அனைத்து MAA உறுப்பினர்களின் முன்னேற்றம் மற்றும் நலனுக்காக, அவருக்கும் அவரது குழுவிற்கும் ஒப்படைக்கப்பட்ட பொறுப்பை ஒப்புக்கொண்டார்.
மேலும், கடந்த 12 ஆண்டுகளில் ‘மூவி ஆர்டிஸ்ட் அசோசியேசன்ஸ்’ (MAA) தேர்தல், ஆலோசனை மற்றும் பொதுக்குழு கூட்டத்தில் எந்தவித சர்ச்சையும், மோதலும் இல்லாமல் சுமூகமாக நடந்தது இதுவே முதல் முறை என்பது குறிப்பிடத்தக்கது.
