வராத கடிதத்திற்கு பதிலாக

இதுவரை யாரும்
எனக்கு எழுதாத காதல் கடிதத்தை
படிக்கப் போகிறேன்
கதவை தாழிட்டு
இருள் நிரம்பி வழியும் அறையினுள்
ஒற்றை விளக்கின் ஒளிதனில்…

வார்த்தைகள் என்னவாகயிருக்கும்
என பதட்டத்தில்
கடிதத்தை பிரிக்கிறேன்
கைகள் நடுங்குகிறது
வியர்வையால் குளித்துக்கொண்டிருக்கிறேன்
அதனால் நான் போட்டிருக்கும் ஆடையினாலே
என்னுடம்பு துவட்டிகொள்கிறது.

ஈரமாகிப்போனது கடிதத்தின் சிலபகுதிகள்
எத்தனை முறைப்படித்தாலும்
புரியவில்லை முடிவில்
வெறு(ம்)மைதான் மிச்சம்.

இனிமேலெனக்கு
யாரும் கடிதம் எழுதாதீர்கள்
தயவுசெய்து.

– சே.ராஜப்ரியன்