அமெரிக்காவில் நடைபெறவிருக்கும் டிரிபெகா சர்வதேசத் திரைப்பட விழாவில் ஜூன் 13ஆம் தேதியன்று பிரபாஸ் நடித்திருக்கும் ‘ஆதி புருஷ்’ எனும் திரைப்படம் பிரத்தியேகமாகத் திரையிடப்படுகிறது. இதன் மூலம் ‘ஆதி புருஷ்’ தனது உலகளாவிய அரங்கேற்றத்தைத் தொடங்குகிறது.
இயக்குநர் ஓம் ராவத், தயாரிப்பாளர் பூஷன் குமார், நட்சத்திர நடிகர் பிரபாஸ் ஆகியோரின் கூட்டணியில் தயாராகி இருக்கும் ‘ஆதி புருஷ்’, டிரிபெகா சர்வதேசத் திரைப்பட விழாவில் பிரத்தியேகமாகத் திரையிடப்படுவதன் மூலம் இந்திய சினிமா, உலக அரங்கில் தன்னுடைய அடுத்த கட்ட முன்னகர்வை முன்னெடுத்திருக்கிறது.
பிரம்மாண்டமான படைப்பாகத் தயாராகி இருக்கும் ‘ஆதி புருஷ்’ விரைவில் வெளியாகவிருக்கிறது. தேசிய விருது பெற்ற இயக்குநரான ஓம் ராவத் இயக்கத்தில் தயாராகி இருக்கும் இந்தத் திரைப்படம், இந்திய வரலாறு மற்றும் கலாச்சாரத்தின் மாபெரும் காவியமாகக் கருதப்படும் ராமாயணத்தைத் தழுவி உருவாகி இருக்கிறது. தயாரிப்பாளர் பூஷன் குமார் தயாரித்திருக்கும் இந்திய வரலாறு மற்றும் கலாச்சாரத்தின் மகத்துவத்தைக் கொண்ட ‘ஆதி புருஷ்’ படத்தைப் புலம்பெயர்ந்த இந்தியர்கள் மட்டுமல்லாமல் உலகமே காணவிருக்கிறது என டிரிபெகா சர்வதேசத் திரைப்பட விழா குழு அறிவித்திருக்கிறது. நியூயார்க் நகரில் ஜூன் 7 ஆம் தேதி முதல் 18 ஆம் தேதி வரை நடைபெறும் 22 ஆவது டிரிபெகா சர்வதேசத் திரைப்பட விழா நடைபெறவுள்ளது. ‘ஆதி புருஷ்’ திரைப்படம், ஜூன் 13 அன்று நியூயார்க் திரைப்பட விழாவிலும், உலகெங்கும் ஜூன் 16 அன்றும் வெளியாகிறது.
ஹாலிவுட்டின் நட்சத்திர நடிகர்களான ராபர்ட் டி நீரோ, ஜேன் ரோசென்டல் மற்றும் கிரேக் ஹாட்காஃப் ஆகியோரால் 2001 ஆம் ஆண்டில் OKX நிறுவப்பட்டது. இதன் சார்பாக நடைபெறும் டிரிபெகா சர்வதேசத் திரைப்பட விழாவில் கலைஞர்கள் மற்றும் பலதரப்பட்ட பார்வையாளர்களை ஒன்றிணைத்து, கதை சொல்லல் மற்றும் திரைப்படத்தின் அனைத்து வடிவங்களையும் கொண்டாடுகிறது. திரைத்துறையின் வலுவான வேர்களைக் கொண்டிருப்பதால், இந்த விழாவில் இடம்பெறும் படைப்புகள் மற்றும் செயல்பாடுகள் அனைத்தும் தரமான பொழுதுபோக்கிற்கு ஏற்றதாக அமைந்திருக்கிறது. காட்சி விருந்தாக அமையும் எனக் கருதப்படும் ‘ஆதி புருஷ்’, முப்பரிமாண வடிவில் இரவு நேர பிரத்தியேக காட்சியாக இவ்விழாவில் திரையிடப்படுகிறது.
இந்த அற்புதமான சாதனை குறித்து இயக்குநர் ஓம் ராவத், ”’ஆதி புருஷ்’ ஒரு படம் அல்ல. இது ஒரு உணர்ச்சி. ஒரு உணர்வு! இந்தியாவின் உணர்வை எதிரொலிக்கும் கதையைப் பற்றிய எங்களது பார்வை. உலகின் மதிப்பு மிக்க சர்வதேசத் திரைப்பட விழாக்களில் ஒன்றான டிரிபெகா நடுவர் குழுவால் ‘ஆதி புருஷ்’ தேர்வு செய்யப்பட்டுள்ளது என்பதை அறிந்தபோது ஒரு மாணவனாகவே எப்போதும் இருக்க விரும்புகிறேன். டிரிபெகா சர்வதேசத் திரைப்பட விழாவில் ‘ஆதி புருஷ்’ படத்தின் பிரத்தியேக திரையிடல், எனக்கும் என்னுடைய ஒட்டுமொத்த குழுவிற்கும் உண்மையிலேயே மகிழ்ச்சியை அளிக்கிறது. ஏனெனில் நமது கலாச்சாரத்தின் மிகவும் வேரூன்றிய ஒரு கதையை உலக அரங்கில் காட்சிப்படுத்துகிறோம். இந்த சர்வதேசத் திரைப்பட விழாவில் கலந்து கொண்டு ஆதி புருஷைக் கண்டு ரசிக்கும் பார்வையாளர்களின் எதிர்வினையைக் காண்பதற்கு உற்சாகமாக காத்திருக்கிறோம்” என்றார்.
நடிகர் பிரபாஸ், ”நியூயார்க்கில் நடைபெறும் சர்வதேசத் திரைப்பட விழாவில் ஆதி புருஷின் உலகளாவிய பிரத்தியேக காட்சியைக் காண்பதில் பெருமிதம் அடைகிறேன். நமது தேசத்தின் மாண்பைப் பிரதிபலிக்கும் ஒரு படைப்பில் அங்கமாக இருப்பது எனக்குக் கிடைத்த பாக்கியம். என்னைப் பொருத்தவரை ஆதி புருஷ் சர்வதேச அளவிலான அரங்குகளைச் சென்றடைந்ததை ஒரு நடிகனாக மட்டுமின்றி, ஒரு இந்தியனாகவும் என்னைப் பெருமிதம் கொள்ள வைக்கிறது. டிரிபெகாவில் பார்வையாளர்களின் வரவேற்பைக் காண ஆவலுடன் காத்திருக்கிறேன்” என்றார்.
‘ஆதி புருஷ்’ திரைப்படத்தில் பிரபாஸ் கிருத்தி சனோன், ஸன்னி சிங், சயீஃப் அலி கான் உள்ளிட்ட பலர் முக்கிய வேடங்களில் நடித்துள்ளனர். இயக்குநர் ஓம் ராவத் இயக்கியுள்ள இந்தத் திரைப்படத்தை டி சிரீஸ் பூசன் குமார் மற்றும் கிரிஷன் குமார், ஓம் ராவத், பிரசாத் சுதார் மற்றும் ரெட்ரோஃபைல்ஸின் ராஜேஷ் நாயர் ஆகியோர் தயாரித்திருக்கிறார்கள். இந்தத் திரைப்படம் ஜூன் மாதம் 16ஆம் தேதியன்று உலகளவில் வெளியிட திட்டமிடப்பட்டுள்ளது.
