ராஷ்மிகா மந்தனா, தீக்ஷித் ஷெட்டி ஆகியோர் இணைந்து நடிக்கும் திரைப்படம் “தி கேர்ள்பிரண்ட்” ஆகும். பிரபல தயாரிப்பாளர் அல்லு அரவிந்த் வழங்கும் இப்படத்தை, கீதா ஆர்ட்ஸ், மாஸ் மூவி மேக்கர்ஸ் மற்றும் தீரஜ் மொகிலினேனி என்டர்டெயின்மென்ட் பேனர்கள் இணைந்து தயாரிக்கிறது. ராகுல் ரவீந்திரன் இயக்கியுள்ள “தி கேர்ள்பிரண்ட்” படம் ஒரு அழகான காதல் கதையைச் சொல்கிறது. இப்படத்தை தீரஜ் மொகிலினேனி மற்றும் வித்யா கோப்பினிடி ஆகியோர் தயாரித்துள்ளனர். இப்படத்தின் டீசரை, நடிகர் விஜய் தேவரகொண்டா இன்று வெளியிட்டார்.
படம் குறித்து விஜய் தேவரகொண்டா, ” ‘தி கேர்ள்பிரண்ட்’ டீசரில் உள்ள ஒவ்வொரு காட்சியும் வெகு சுவாரசியமாக உள்ளது. இந்தப் படத்தைப் பார்க்க ஆவலுடன் காத்திருக்கிறேன். 8 ஆண்டுகளுக்கு முன்பு படப்பிடிப்புத் தளத்தில் ராஷ்மிகாவைச் சந்தித்தேன். பல பெரிய வெற்றிகளைப் பெற்றாலும், இன்னும் அவர் மிகவும் அடக்கமாகவே இருக்கிறார். ‘தி கேர்ள்பிரண்ட்’ படம், ஒரு நடிகையாக அவருக்கு அதிக பொறுப்பை அளித்துள்ளது. அந்தப் பொறுப்பை அவர் முறையாக ஏற்றுக்கொண்டு, தனது திறமையை வெளிப்படுத்தியுள்ளார். ரசிகர்களின் இதயங்களைக் கவரும் ‘தி கேர்ள்பிரண்ட்’ படத்தின் ஒட்டுமொத்த குழுவிற்கும் எனது வாழ்த்துகள்” என்று கூறியுள்ளார்.
ஹேஷாம் அப்துல் வஹாப்பின் பின்னணி இசையில், வித்தியாசமான காதல் கதையாக உருவாகி வரும் “தி கேர்ள்பிரண்ட்” விரைவில் திரைக்கு வர உள்ளது.
நடிகர்கள்:
ராஷ்மிகா மந்தனா
தீக்ஷித் ஷெட்டி
தொழில்நுட்பக் குழு:
ஒளிப்பதிவு – கிருஷ்ணன் வசந்த்
இசை – ஹேஷாம் அப்துல் வஹாப்
ஆடை – ஷ்ரவ்யா வர்மா
தயாரிப்பு வடிவமைப்பு – எஸ். ராமகிருஷ்ணா, மௌனிகா நிகோத்ரி
மக்கள் தொடர்பு – யுவராஜ்
மார்கெட்டிங் – முதல் காட்சி
வழங்குபவர் – அல்லு அரவிந்த்
தயாரிப்பு பேனர் – கீதா ஆர்ட்ஸ், மாஸ் மூவி மேக்கர்ஸ், தீரஜ் மொகிலினேனி என்டர்டெயின்மென்ட்
தயாரிப்பாளர்கள் – தீரஜ் மொகிலினேனி, வித்யா கோப்பினிடி
எழுத்து & இயக்கம் – ராகுல் ரவீந்திரன்
