வித்தியாசமான கதைக்களங்களையும், மாஸ் ஆக்ஷன் படங்களையும் வழங்கி ரசிகர்களின் கவனத்தை ஈர்த்து வரும் இயக்குநர் பூரி ஜெகன்நாத்தும், பல்வேறு கதாபாத்திரங்களில் அசத்தி வரும் நடிகர் விஜய் சேதுபதியும் முதன்முறையாக இணைந்துள்ள பான்-இந்தியா ஆக்ஷன் திரைப்படம் “ஸ்லம் டாக்” ஆகும். இந்தப் படத்திற்கு “33 Temple Road” என்ற துணைத் தலைப்பும் வழங்கப்பட்டுள்ளது.
படத்தின் படப்பிடிப்பு முழுமையாக நிறைவடைந்துள்ள நிலையில், அனைத்து மொழிகளிலும் போஸ்ட் ப்ரொடக்சன் பணிகள் தீவிரமாக நடைபெற்று வருகின்றன. டைட்டில் அறிவிப்பு மற்றும் ஃபர்ஸ்ட் லுக் போஸ்டரிலிருந்தே ரசிகர்களிடையே பெரும் எதிர்பார்ப்பை உருவாக்கியுள்ள இந்தப் படத்தின் அடுத்தகட்ட ப்ரோமோஷன் பணிகளைப் படக்குழு தொடங்கியுள்ளது.
அதன் ஒரு பகுதியாக, படத்தின் டீசர் வரும் ஜூன் 8 ஆம் தேதி வெளியாகும் என அதிகாரப்பூர்வமாக அறிவிக்கப்பட்டுள்ளது. இதனை முன்னிட்டு வெளியிடப்பட்டுள்ள புதிய போஸ்டர் ரசிகர்களின் கவனத்தை வெகுவாக ஈர்த்துள்ளது. கண்கள் கட்டப்பட்ட நிலையில் நிற்கும் ஒருவரின் கழுத்தில் ரத்தக்கறை படிந்த அரிவாள் வைக்கப்பட்டிருக்கும் காட்சி, படத்தின் இருண்ட மற்றும் கொடூரமான உலகத்தை உணர்த்துகிறது. இந்தப் போஸ்டர் படத்தின் மீது மேலும் ஆர்வத்தைத் தூண்டுகிறது.
விஜய் சேதுபதியுடன் கதாநாயகியாக சம்யுக்தா நடித்துள்ள நிலையில், முக்கிய கதாபாத்திரங்களில் நடிகை தபு மற்றும் கன்னட நட்சத்திரம் துனியா விஜய் நடித்துள்ளனர். மேலும் பிரம்மாஜி, விடிவி கணேஷ் உள்ளிட்ட பலர் முக்கிய வேடங்களில் நடித்துள்ளனர்.
தேசிய விருது பெற்ற இசையமைப்பாளர் ஹர்ஷவர்தன் ரமேஷ்வர், “அர்ஜுன் ரெட்டி”, “அனிமல்” போன்ற படங்களில் தனது அதிரடியான இசையால் பாராட்டுகளைப் பெற்றவர். இந்தப் படத்திற்கு இசையமைத்துள்ளார்.
பூரி ஜெகன்நாத் மற்றும் சார்மி கௌர் ஆகியோர் பூரி கனெக்ட்ஸ் நிறுவனத்தின் சார்பில் தயாரித்துள்ள இந்தத் திரைப்படம், JB நாராயண் ராவ் கொண்ட்ரோலாவின் JB மோஷன் பிக்சர்ஸ் நிறுவனத்துடன் இணைந்து உருவாகியுள்ளது.
“ஸ்லம் டாக்” திரைப்படம் தமிழ், தெலுங்கு, கன்னடம், மலையாளம் மற்றும் இந்தி ஆகிய ஐந்து மொழிகளில் பான்-இந்தியா அளவில் உருவாகி வருகிறது உள்ளது.
நடிகர்கள்:-
விஜய் சேதுபதி
சம்யுக்தா
தபு
துனியா விஜய் குமார்
தொழில்நுட்பக் குழு:-
எழுத்து இயக்கம் – பூரி ஜெகன்நாத்
தயாரிப்பாளர்கள் – பூரி ஜெகன்நாத், சார்மி கௌர் , JB நாராயண் ராவ் கொண்ட்ரோலா
வழங்குபவர் – சார்மி கௌர்
தயாரிப்பு நிறுவனங்கள் – Puri Connects, JB Motion Pictures
CEO – விசு ரெட்டி
மக்கள் தொடர்பு – யுவராஜ்
மார்க்கெட்டிங் – ஹேஷ்டேக் மீடியா
