
வணக்கம் தோழிகளே,
அசைவப் பிரியர்களுக்கு, மிகப் பிடிச்ச ஒரு உணவுகளில் ஆட்டுத்தலை வறுவலும் இடம்பெறும். இது சாப்பாட்டுக்கும் அருமையா இருக்கும், சப்பாத்தி, தோசைக்கும் அருமையா இருக்கும். கொலஸ்ட்ரால் இருக்கறவங்க சாப்பிட்டராதீங்க. சுவையான ஆட்டுத்தலை வறுவல் எப்படிச் செய்யறதுன்னு பார்க்கலாம். வாங்க. 🙂
தேவையான பொருட்கள்:
- ஆட்டுத்தலை – 1
- வெங்காயம் – 1 கப்
- மிளகு – 1 ஸ்பூன்
- கரிவேப்பிலை – கைப்பிடி
- பச்சை மிளகாய் – 2
- விளக்கெண்ணெய் – 4 ஸ்பூன்
- கடுகு – ½ ஸ்பூன்
- மஞ்சள்தூள் – 1 ஸ்பூன்
- உப்பு – தேவைக்கு
- பூண்டு – 1 கட்டி (தட்டி வைக்கவும்)
- கொத்துமல்லி தூள் (கறி மசாலா தூள்)- 2 கரண்டி
Step 1:
பாத்திரத்தில், 2 ஸ்பூன் விளக்கெண்ணெய் ஊத்தி வெங்காயம், மிளகைப் போட்டு வதக்கவும்.
Step 2:
வதங்கியதும் மிக்சியில், தேவையான அளவு தன்ணீர் விட்டு வெங்காயத்தையும், கறி மசாலா தூளையும் போட்டு அரைக்கவும்.
Step 3:
குக்கரில், எண்ணெய் ஊற்றி, கடுகு போட்டு பொரிந்ததும், வெங்காயம், தட்டி வைத்த பூண்டு, மிளகாய் சேர்த்து வதக்கவும்.
Step 4:
பிறகு, அதற்குள், சுத்தம் செய்த ஆட்டு தலைக்கறியைப் (ஆட்டு மூளையைத் தனியாய் எடுத்து வைக்கவும்) போட்டு, 1 ஸ்பூன் மஞ்சள்தூள், உப்பு போட்டு 2 நிமிடம் வதக்கவும்.
Step 5:
அரைத்து வைத்துள்ள, மசாலா கலவையைக் குக்கரில் கொட்டவும். 2 கப் தண்ணீர் சேர்த்து நன்கு கலக்கவும். பிறகு குக்கரில் மூடி போட்டு, 4-5 விசில் வரை வேக விடவும்.
Step 6:
குக்கர் ஆறியதும், மூளையைக் கரைத்து விட்டுக் கொதிக்க விடவும். நல்லா கிரேவி பதம் வரும்வரை கொதிக்கவிட்டு பிறகு இறக்கிப் பரிமாறவும்.
சுவையான ஆட்டுத்தலை வறுவல் தயார்.
– வசந்தி ராஜசேகரன்