இது புதிது

Feb132026 by Dinesh RNo Comments

Sweety Naughty Crazy விமர்சனம்

இரட்டை அர்த்த வசனங்கள் நிரம்பிய கலகலப்பான 18+ படம். கலாச்சாரம், ஒழுக்கம் போன்றவற்றை யாரும் தங்கள் கனவிலும் படைப்பிலும் கூட மீறிவிடக்கூடாது என நினைக்கும் பூமர்ஸ்களின் ரத்தக்கொதிப்பை எகிற வைக்கும் கதைக்கருவைக் கொண்ட படம். போடுவது, ஓட்டுவது, ஏறுவது என்ற வார்த்தை விளையாட்டுகளைப் பயன்படுத்தியே கலகலக்க வைத்தாலும், குடும்பத்திற்குள்ளான தகாப்புணர்ச்சியை (incest) நகைச்சுவைக்கு உட்படுத்தியுள்ளது சிறு நெருடலை ஏற்படுத்தலாம். ஆனால், கதை, திரைக்கதை, வசனம் எழுதி இயக்கியுள்ள ராஜசேகர். G, பார்வையாளர்களோடு அழகாகக் கண்ணாமூச்சி ஆடியுள்ளார். அந்நியோன்யமான தருணங்களை உருவாக்கிக் காட்சியைக் கத்தரித்து விடுகிறார். 'இருக்குன்னு நினைச்சா இருக்கும், இல்லைன்னு நினைச்சா இல்லை' என்பதாகப் பார்வையாளர்களின் கற்பனைக்குச் சாமர்த்தியமாக விட்டு விடுகிறார். தமிழ் இலக்கியத்தில், தன்னிலும் வயது முதிர்ந்த பெண்ணை விரும்பும் ஆணின்...

Feb132026 by Dinesh RNo Comments

மை லார்ட் விமர்சனம் | My Lord review

இது புதிது, சினிமா, திரை விமர்சனம்

எளிய மக்கள் மீதான அதிகார அத்துமீறலைப் பற்றி அழுத்தமாகப் பேசுகிறது மை லார்ட் திரைப்படம். உயிரோடு இருப்பவரை இறந்தவராகச் சித்தரித்து, ஒருவரது அடையாளத்தையே அழிக்க அதிகாரத்தால் முடியும் எனப் படம் அச்சுறுத்துகிறது. ஆனால் அந்த அச்சுறுத்தலை உணர்வுப்பூர்வமாகக் கொண்டு செல்லாமல், கொஞ்சம் நகைச்சுவை கலந்து படம் தர வேண்டிய தாக்கத்தை நீர்த்துப் போகவும் செய்துள்ளார் இயக்குநர் ராஜு முருகன். அதிகாரம் சாமானியனை எங்குக் கொண்டு தள்ளுகிறது என்பதும், அதை வள்ளலாரியத்தில் ஊறிய ஓர் அப்பாவி எப்படி எதிர்கொள்கின்றார் என்பதும் தான் படத்தின் அரசியலும் மையச்சரடும். உயிருடன் இருக்கும்போதே நாயகன் முத்துச்சிற்பிக்கு இறப்புச் சான்றிதழைப் பெற்று, அவரை நையப்புடைக்கிறார் கவுன்சிலர் நர்சிம். குறு பிராந்திய அதிகார பலம் பொருந்திய கவுன்சிலரைத் தேசிய அளவில் உச்ச அதிகாரம் கொண்ட ஒருவரின் துணையோடு சிறைக்கு அனுப்புகிறார் நாயகன். அனுப்ப...

Feb102026 by Dinesh RNo Comments

Kennedy | காயமடைந்த ஒரு மனிதனின் உலகம்

OTT, அயல் சினிமா, இது புதிது, சினிமா, திரைத் துளி

இயக்குநர் அனுராக் காஷ்யப் இயக்கத்தில், பெரிதும் எதிர்பார்க்கப்பட்ட த்ரில்லர் படமான ‘கென்னடி’ படத்தின் அதிரடியான ட்ரெய்லரை வெளியிட்டுள்ளது ஜீ5. சர்வதேசத் திரைப்பட விழாக்களில் பாராட்டுகளைக் குவித்த ‘கென்னடி’ திரைப்படம், பிப்ரவரி 20 அன்று Zee5-இல் இந்தியப் பார்வையாளர்களுக்காகப் பிரத்தியேகமாக பிரீமியர் ஆகிறது. ‘கென்னடி’ மும்பையை மையமாகக் கொண்டு, noir பாணியில் உருவான ஒரு அதிரடியான த்ரில்லர் கதை. முன்னாள் காவலராக இருந்து ஒப்பந்தக் கொலையாளியாக மாறிய கென்னடி உதய் ஷெட்டி (Rahul Bhat) என்பவரின் இரட்டை வாழ்க்கையைப் படம் பின்தொடர்கிறது. பகலில் டாக்சி டிரைவராகவும், மறைவில் ஊழல் போலீஸ் கமிஷனர் ரஷீத் கானுக்காகக் கொலை ஒப்பந்தங்களை நிறைவேற்றுபவராகவும் வாழும் கென்னடி, தனது மகன் இழப்பினால் உண்டான வலி மற்றும் அவருடைய சிதைந்து போன குடும்பத்தின் நினைவுகளால் துரத்தப்படுகிறார். கடந்த காலத்திலிருந்து தப்பிக்க முட...

Feb92026 by Dinesh RNo Comments

பூக்கி – 2K கிட்ஸின் காதலும், பிரேக்கப்பும்

இது புதிது, சினிமா, திரைச் செய்தி

விஜய் ஆண்டனி ஃபிலிம் கார்ப்ரேஷன் சார்பில், ஃபாத்திமா விஜய் ஆண்டனி தயாரிப்பில், மீரா விஜய் ஆண்டனி வழங்கும், மார்கன் படத்தில் தனது நடிப்பால் பெரும் பாராட்டுக்களைக் குவித்த அஜய் திஷான் நடிப்பில் ரொமான்ஸ் காமெடி ஜானரில் உருவாகியுள்ள திரைப்படம் “பூக்கி” ஆகும். விஜய் ஆண்டனி நடிப்பில் பெரு வெற்றி பெற்ற சலீம் படத்தில் அறிமுமாகி, ஜெயில், காரி, Miss Match தெலுங்குப்படம் உட்பட பல படங்களுக்கு ஒளிப்பதிவாளராகப் பணியாற்றிய கணேஷ் சந்திரா இப்படத்தை, ஒளிப்பதிவு செய்து இயக்குநராக அறிமுகமாகியுள்ளார். இப்படம் காதலர் தினக் கொண்டாட்டமாக வரும் 2026 பிப்ரவரி 13 ஆம் தேதி உலகமெங்கும் திரையரங்குகளில் வெளியாகிறது. இப்படத்தின் பத்திரிகையாளர் சந்திப்பில் பேசிய தயாரிப்பாளர் விஜய் ஆண்டனி, “இந்த விழாவின் நாயகன் கணேஷ் சந்திரா. அவரை நான் முதலில் ஒளிப்பதிவாளராக அறிமுகப்படுத்தினேன் என்பதில் எனக்குப் பெருமை. இன்று அவரை இயக்குந...

Feb82026 by Dinesh RNo Comments

உலகளாவிய ECMO சமூகத்தை ஒன்றிணைத்தது சென்னை | SWAAC ELSO & ESOI மாநாடு 2026

இது புதிது, மருத்துவம்

பிப்ரவரி 7 மற்றும் 8, 2026 அன்று ரேடிசன் ப்ளூ ஜிஆர்டியில், 15 ஆவது வருடாந்திர தேசிய ECMO சொசைட்டி ஆஃப் இந்தியா (ESOI) மாநாட்டுடன், தென்மேற்கு ஆசியா மற்றும் ஆப்பிரிக்கா பிரிவின் எக்ஸ்ட்ரா கார்போரியல் லைஃப் சப்போர்ட் ஆர்கனைசேஷன் (South West Asia and Africa Chapter of the Extracorporeal Life Support Organisation (SWAAC ELSO) இன் 12 ஆவது வருடாந்திர சர்வதேச மாநாட்டை நடத்தியதன் மூலம், சென்னை ஒரு உலகளாவிய தீவிர மருத்துவத்திற்கான மையமாக உருவெடுத்தது. இந்த மதிப்புமிக்க மாநாட்டை, ECMO & VAD இயக்குநரும், இருதய மார்பு பிரிவு மூத்த ஆலோசகரும், ECMO, VAD & மாற்று அறுவை சிகிச்சை நிபுணருமான மருத்துவர் K. மதன் குமார் மற்றும் மூத்த ஆலோசகரும், குழந்தை மருத்துவ தீவிர சிகிச்சை நிபுணருமான மருத்துவர் இந்திரா ஜெயக்குமார் ஆகியோர் காவேரி மருத்துவமனையுடன் இணைந்து ஏற்பாடு செய்தனர். மேலும் இம்மாநாட்டில், தீவிர...

Feb62026 by Dinesh RNo Comments

ரெட் லேபிள் விமர்சனம் | Red Label review

இது புதிது, சினிமா, திரை விமர்சனம்

ரெவ்ஜென் பிலிம் பேக்டரி சார்பில் லெனின் தயாரித்துத்து நாயகனாக நடித்துள்ள படம் “ரெட் லேபிள்” ஆகும். பொன்.பார்த்திபன் கதை, வசனம் எழுத K.R.வினோத் இயக்கியுள்ளார். கல்லூரி மாணவர் தேர்தல் பின்னணியில் ஓர் அதிரடி ஆக்‌ஷன் த்ரில்லராக இப்படம் உருவாகியுள்ளது. கோவையில் இருக்கும் ஒரு கல்லூரியில் மாணவர் தலைவர் தேர்தல் நடக்கிறது. அரசியல்வாதியின் மகன் அந்தப் பதவிக்கு போட்டியிடுகிறார். கல்லூரியின் பேராசிரியர்களுக்கே அவரால் பாதுகாப்பு இல்லாத சூழல் உருவாகிறது. அவன் மாணவர் தலைவரானால் மொத்த கல்லூரிக்குமே ஆபத்து என நினைக்கும் பேராசிரியர்கள் சிலர், ஒரு மாணவரை நிற்கச் சொல்லி அதற்கான உதவிகளையும் செய்கிறார்கள். அத்துடன் அதே கல்லூரியில் சில ஆண்டுகளுக்கு முன் மாணவர் சங்கத் தலைவராக இருந்த நாயகன் லெனினை உதவிக்கு அழைக்கிறார்கள். கல்லூரிக் காலத்தில் அடிதடி, பஞ்சாசய்த்து என சுற்றி வந்தவர் இப்போது தான் உண்டு, தன் வேலை உண்ட...

Feb52026 by Dinesh RNo Comments

மகிஷாசுரமர்த்தன ஶ்ரீ கோதண்டராமர் திருக்கோயில்

ஆன்‌மிகம், இது புதிது, சமூகம்

சென்னைக்கு அருகில் திருவள்ளூர் மாவட்டம் புதிய எருமைவெட்டிப் பாளையத்தில் அமைந்துள்ள அருள்மிகு ஶ்ரீ கோதண்டராமர் திருக்கோயில் மஹா ஸம்ப்ரோக்ஷணம் பிப்ரவரி 8 (தை 25) அன்று காலை 9 மணிக்கு மேல் 10.30 மணிக்குள் மிகச் சிறப்பாக நடைபெறவுள்ளது. இந்த ஆன்மிக வைபவத்தில் திருமலை திருப்பதி பெரிய கேள்வியப்பன் சடகோப ராமாநுஜ பெரிய ஜீயர் ஸ்வாமிகளும், திருமலை திருப்பதி சிறிய கேள்வியப்பன் கோவிந்த ராமாநுஜ சின்ன ஜீயர் ஸ்வாமிகளும் கலந்து கொண்டு மங்களாசாஸனம் செய்யவுள்ளார்கள். தமிழ்நாடு இந்து சமய அறநிலையத்துறையின் கட்டுப்பாட்டில் இயங்கும் இத்திருக்கோயிலில் திருமலை அனந்தாண்பிள்ளை வம்சாவளியினரால் கடந்த ஐந்து தலைமுறைகளாக நித்ய பூஜைகள், உற்சவங்கள் முறைப்படி செய்யப்பட்டு வருகின்றன. அருள்மிகு ஶ்ரீ கோதண்டராமர் திருக்கோயில் மஹா ஸம்ப்ரோக்ஷணம் வைபவத்திற்கான ஏற்பாடுகளை தக்கார்/உதவி ஆணையர் திரு. மு. சிவஞானம், பரம்பரை அர்ச்சகர்...

Feb42026 by Dinesh RNo Comments

கயாடு லோஹரின் பள்ளிச்சட்டம்பி

இது புதிது

இயக்குநர் டிஜோ ஜோஸ் ஆண்டனி (Dijo Jose Antony) இயக்கத்தில் டொவினோ தாமஸ் கதாநாயகனாக நடிக்கும் 'பள்ளிச்சட்டம்பி' எனும் திரைப்படம் விரைவில் வெளியாகவுள்ளது. இப்படத்தில் கயாடு லோஹர் கதாநாயகியாக நடிக்கிறார். தற்போது நடிகையின் கதாபாத்திரத்தைச் சித்தரிக்கும் போஸ்டர் வெளியிடப்பட்டுள்ளது.படத்தில் அவரது கேரக்டரின் பெயரைப் படக்குழுவினர் போஸ்டரில் வெளியிடவில்லை. கன்னடத் திரைப்படமான 'முகில்பேட் (Mugilpete)' படத்தின் மூலம் திரையுலகில் அறிமுகமான கயாடு, 'பத்தொன்பதாம் நூற்றாண்டு' படத்தின் மூலம் மலையாளத்திலும் அறிமுகமானார். அப்படத்தில் அவரது நடிப்பு பலரது கவனத்தைக் கவர்ந்தது. பின்னர் கடந்த ஆண்டு வெளியான டிராகன் எனும் தமிழ்த் திரைப்படம், அவருடைய வாழ்க்கையில் மிகப் பெரிய திருப்புமுனையாக அமைந்தது. பள்ளிச்சட்டம்பி - கயாடு லோஹரின் மூன்றாவது மலையான திரைப்படமாகும். துல்கர் சல்மான் நடிக்கும் 'ஐ எம் கேம்' படத்தில...

Feb42026 by Dinesh RNo Comments

வித் லவ் விமர்சனம் | With Love review

இது புதிது, சினிமா, திரை விமர்சனம்

மனதை வருடும் ஒரு ஃபீல் குட் படைப்பாகக் கவர்கிறது 'வித் லவ்' திரைப்படம். ஒரு கவித்துவமான தமிழ்த் தலைப்பையே படத்திற்குச் சூட்டியிருக்கலாம். பள்ளிப் பருவத்தில் பூக்கும் பதின்மத்துக் காதலைச் சொல்லாமலே விட்டுவிடும் சத்யசீலனும் மோனிஷாவும், தங்கள் முதல் காதலரைத் தேடித் தங்கள் காதலித்ததைத் தெரியப்படுத்த நினைக்கின்றனர். அந்த அழகான பயணத்தை நேர்த்தியாகவும் நகைச்சுவையாகவும் சொல்லியுள்ளார் அறிமுக இயக்குநர் மதன். நாயகனின் நண்பன் தினேஷாக ஹரிஷ் குமார் நடித்துள்ளார். ஹரிஷ்க்கு, முதலும் நீ முடிவும் நீ, டாடா, லவ்வர் என பலமுறை அசத்திய கதாபாத்திரத்தையே வழங்கியுள்ளனர். அவரது முழுத் திறமைக்குத் தீனி இல்லாத சிறு பாத்திரம் என்றாலும், க்ளைமேக்ஸில் மீண்டும் தோன்றி கலகலக்க வைக்கிறார். "அவளோட முடிவு எதுவா இருந்தாலும் ரெஸ்பெக்ட் பண்ணு" - நாயகியின் அக்காவாக நடித்துள்ள RJ ஆனந்தி பேசும் வசனம். "நீ அவர்ட்ட ஏன்ன்னு எப்ப...

Dec242025 by Dinesh RNo Comments

Mission Santa: Yoyo to the Rescue விமர்சனம்

அயல் சினிமா, இது புதிது, சினிமா, திரை விமர்சனம்

கிறிஸ்துமஸ் மேஜிக்கை நம்பும் யோயோ எனும் எல்ஃபின் (Elf) கதை இப்படம். இந்தியா, அமெரிக்கா, ஜெர்மன் என மூன்று நாட்டின் தயாரிப்பு நிறுவனங்கள் இணைந்து கூட்டாகத் தயாரித்துள்ளனர்.சான்டா கிளாஸின் வொர்க்‌ஷாப்பிற்கு ஆர்வமுடன் செல்கிறான் யோயோ. ஆனால், அங்கே அவன் எதிர்பார்த்துச் சென்ற மேஜிக் ஏதுமில்லாமல், எல்லாம் இயந்திரத்தனமாய் மாறியுள்ளன. சான்டா அளிக்கும் பரிசுகளை ஆத்மார்த்தமாக உருவாக்கும் எல்ஃப்களுக்குப் பதில், பரிசுகளைப் பேக் (pack) செய்யும் ட்ரோன்களுக்கு ELF (Electronic Labour Force) எனப் பெயரிடப்பட்டு, ஒரு நவீன தொழிற்சாலை போல் இயங்குகிறது சான்டா கிளாஸின் வொர்க்‌ஷாப்.சான்டா கிளாஸ் வொர்க்‌ஷாப்பிலுள்ள ட்ரோன்கள் ஹேக் செய்யப்படுகின்றன. ஓய்வு பெற்றுச் சென்றுவிடும் சான்டா கிளாஸை ஒப்படைக்காவிட்டால், கிறிஸ்துமஸே இல்லை எனச் சொல்லிவிடுகிறாள் ஹேக்கர்.சான்டா கிளாஸைக் கண்டுபிடிக்கும் ஓர் அற்புதமான ச...

Dec242025 by Dinesh RNo Comments

The King Maker | இராம. வீரப்பனின் வாழ்க்கை வரலாற்று ஆவணப்படம்

இது புதிது, சினிமா, திரை விமர்சனம்

உள்ளங்கனி நெல்லிக்கனி போலிருந்த முதலமைச்சராகும் வாய்ப்பை எந்த முக சுளிப்புமில்லாமல் விட்டுக் கொடுக்கும் பண்பையெல்லாம் கதைகளில் மட்டுமே கேட்டிருக்கமுடியும். அந்தப் பண்பிற்குச் சொந்தக்காரரான ஆர்.எம்.வீ. (RMV) என்றறியப்படும் இராம. வீரப்பன் அவர்களுக்கு மரியாதை செய்யும் விதமாக, அவரது மகன் தங்கராஜ் தயாரிக்க, பின் சுப்பிரமணியம் இயக்கியுள்ளார். முப்பது மணி நேர ஃபூட்டேஜ்களைச் சுருக்கி 118 நிமிட ஆவணப்படமாகத் தொகுத்துள்ளனர். திராவிடச் சித்தாந்தத்தால் ஈர்க்கப்பட்டு, பத்திரிகையாளராக வாழ்வைத் தொடங்கித் தயாரிப்பாளராகப் பரிணமித்து, அரசியல்வாதியாக கோலேச்சிய அவரது நிறைவான வாழ்க்கையை நேர்த்தியாகக் கடத்தியுள்ளனர். இராம. வீரப்பனின் சினிமா பயணம் குறித்தும், அரசியல் வாழ்க்கை குறித்தும் பிரபலங்கள் வியந்தோதிப் பேசினர். உதாரணத்திற்கு, "தமிழ்நாட்டில் அறநிலைத்துறை என்றொரு துறை இருப்பதே, ஐயா ஆர்.எம்.வீரப்ப...

Dec242025 by Dinesh RNo Comments

சிறை விமர்சனம் | Sirai review

இது புதிது, சினிமா, திரை விமர்சனம்

இந்த வருடத்தின் மிகச் சிறந்த படங்களில் ஒன்றாக அமைந்துள்ளது சிறை திரைப்படம். வெற்றிமாறனிடம் உதவி இயக்குநராகப் பணியாற்றிய சுரேஷ் ராஜகுமாரியின் முதற்படத்திலேயே அழுத்தமான முத்திரையைப் பதித்துள்ளார். வேலூர் சிறையில் இருக்கும் அப்துல் ரெளஃப் எனும் கைதியை சிவகங்கை நீதிமன்றத்திற்கு அழைத்துச் செல்கிறார் கதிரவன் எனும் போலீஸ் ஏட்டு. அந்தப் பயணத்தின் வாயிலாக, நீதித்துறையின் போதாமைகள், அழுத்தமான காதல் கதை, போலீஸார்க்கு நேரும் சங்கடம், கொம்பு முளைத்தது போல் பொதுமக்களிடம் நடந்து கொள்ளும் போலீஸாரின் ஆணவப்போக்கு என அழுத்தமான கதை சொல்லியுள்ளார் இயக்குநர். அப்துல் ரெளஃபாக L.K.அக்‌ஷய் குமார் நடித்துள்ளார். செவன் ஸ்க்ரீன் ஸ்டுடியோ லலித் குமாரின் மகனாவார். இவரை சினிமாவில் அறிமுகப்படுத்துவதற்காக எடுக்கப்பட்ட படமிது. அதற்காக லலித் குமார், டாணாக்காரன் தமிழிடம், விசாரணை போலொரு கதை கேட்டுள்ளார். தமிழ் சொன்ன உண்மைக...

Dec202025 by Dinesh RNo Comments

கொம்புசீவி விமர்சனம் | Kombuseevi review

இது புதிது, சினிமா, திரை விமர்சனம்

கேப்டன் விஜயகாந்தின் இளைய மகன் சண்முகபாண்டியன், கிட்டத்தட்ட 2015-இலேயே சினிமாவில் கதாநாயகனாக அறிமுகமாகி விட்டார். ஆயினும் கடந்த 10 ஆண்டுகளில் மொத்தமே 3 படங்கள் தான் நடித்திருக்கிறார். முதல் 3 படங்களிலுமே கடமைக்குத் தங்கள் கைக்கு அடக்கமாக இயக்குநர் ஒருவரைப் போட்டு இஷ்டத்துக்குப் படம் எடுத்ததன் விளைவாக இன்னுமே பெரிய பிரேக் கிடைக்காமல் வலம் வருகிறார். இப்போது தான் பொன்ராம் போன்ற வெற்றிப் படங்களை இயக்கிய ஒரு இயக்குநரிடம் கதை கேட்டு நடித்திருக்கிறார். ஆனால் அவர் கதை கேட்ட நேரம் பொன்ராம் சுமார் படங்களையே தந்து போராடிக் கொண்டிருக்கிறார். இவ்விருவருக்குமே இப்படம் மிக முக்கியமானதொன்று என்பதால் எதிர்பார்ப்பைத் தூண்டியிருந்தது. வழக்கமான பொன்ராம் படங்களைப் போலவே, “என்னப்பா அலப்பறைய குடுத்துட்டிருக்கீங்க?" எனச் சொல்லும் தென்மாவட்ட வட்டாரத்தைச் சுற்றிய ஒரு கதை தான். மதுரைப் பகுதியில் உள்ள கிராமத்தில் க...

Dec122025 by Dinesh RNo Comments

மகாசேனா விமர்சனம் | Mahasena review

இது புதிது, சினிமா, திரை விமர்சனம்

மகாசேனா என்பது யாளீஸ்வர் எனும் தெய்வத்தைக் குறிக்கும் திருநாமங்களில் ஒன்றெனப் படத்தலைப்பாகப் பயன்படுத்தியுள்ளனர். யாளிமலையில் உள்ள குரங்கணி எனும் ஊரில், எவர் கண்ணுக்கும் தெரியாத ‘யாளீஸ்வரர் சிலை’ ஒன்று கோயிலில் இருப்பதாகக் கருதப்படுகிறது. சித்ரா பெளர்ணமியன்றே அச்சிலையைக் கண்களால் காண முடியும். அதை அபகரிக்க அடிவாரப்பகுதி மக்கள் மூவாயிரம் ஆண்டுகளாக முயற்சி செய்கின்றனர். குரங்கணியின் தலைவன் செங்குட்டுவன் அதைக் காப்பாற்ற நினைக்க, அதை அடைந்தே தீருவது எனும் தீவிரமான பிடிவாதத்துடன் உள்ளார் அடிவாரப்பகுதி தலைவி கங்கா. யாளி சிலையை அடைந்தே தீருவதென்ற கங்காவின் சபதம் நிறைவேறியதா இல்லையா என்பதுதான் படத்தின் கதை. நரபலி கொடுக்கும் காட்டுவாசிகளாக உள்ளனர் அடிவாரப்பகுதி மக்கள். அதிகாரிகளின் தலைகளைக் கொய்து சாக்கில் சுருட்டி எடுத்துச் செல்லும், கைலி அணிந்த நாகரீகமானவர்களாக உள்ளனர் குரங்கணி மக்கள். குரங்கணி...

Dec62025 by Dinesh RNo Comments

மாயபிம்பம்‌ – படப்போஸ்டர் | சுந்தர்.சி வெளியீடு

இது புதிது

செல்ஃப் ஸ்டார்ட் புரொடக்சன்ஸ் சார்பில், KJ சுரேந்தர் தயாரித்து, இயக்கியிருக்கும் படம் 'மாயபிம்பம்' ஆகும்.‌ புதுமுகங்கள் ஜானகி, ஆகாஷ் பிரபு, ஹரி கிருஷ்ணன், ராஜேஷ், அருண் குமார் ஆகியோர் நடித்திருக்கிறார்கள். புதுமுக நடிகர், நடிகைகள் மட்டுமில்லாமல் இசையமைப்பாளர் நந்தா, படத்தொகுப்பாளர் வினோத், ஒளிப்பதிவாளர் எட்வின் என தொழில்நுட்பக் கலைஞர்களும் முழுக்க முழுக்கப் புதுமுகங்களே. படத்தின் பாடல்களைப் பாடலாசிரியர்கள் விவேகா மற்றும் பத்மாவதி ஆகியோர் எழுதியுள்ளனர். 2005 இல் நடக்கும் காதல் கதையாக உருவாகியுள்ள இப்படம், டிசம்பர் மாதம் திரையரங்குகளில் வெளியாகிறது.‌ இந்தப் படத்தின் போஸ்டரை இயக்குநர் சுந்தர்.சி அவர்கள் வெளியிட்டுப் படத்தின் ஒரு‌ பாடலையும் பார்ததுவிட்டு படக்குழுவைப் பாராட்டினார்....